| 04.06.2018. ЕВОЛУЦИЈА

Секој сака добра приказна, а историјата има многу за раскажување. Низ вековите, многу луѓе и групи смислувале свои приказни, а најдобрите успеале да измамат не само неколку луѓе, туку речиси целата јавност. Некои од овие измами траеле со месеци, па дури и години. Иако можеби се лага, сепак се навистина интересни.

1. Племето Тасадеј

10-те најголеми измами во историјата на човештвото

 
 

Многумина го нарекувале племето Тасадеј изгубено или неоткриено. Племето беше опишувано како општество од благородни дивјаци кои живеат мирно во пештери во џунглата. Овие луѓе не знаеле за насилство или конфликти. Но, племето Тасадеј било контролирано од Мануел Елизаде Џуниор кој им давал пристап на антрополозите и славните личности да го посетуваат во пештерите.

Дури кога Освалд Ајтен неочекувано го посетил племето, се открила измамата. Тој ја затекнал заедницата како се релаксира носејќи блузи и фармерки и користејќи модерни алатки како ножеви и огледала. Откако разговарал со заедницата користејќи преведувач, луѓето признале дека не биле племе од Камената доба, туку биле платени да глумат.

  
 

2. Мртва самовила

10-те најголеми измами во историјата на човештвото

На 1-ви април 2007-ма година, Ден Бејнс од Лондон решил да направи првоаприлска шега. На еден веб-сајт објавил труп од мртва самовила на продажба и успеал да ја продаде за 320 евра. Околу 20.000 луѓе го посетиле сајтот за само еден ден со цел да ја видат самовилата.

 
loading...
 

Ден изјавил дека остатоците биле како на дете, но коските биле шупливи како на птица. Трупот исто така имал заби, кожа, коса и се разбира, крилја. Наводно, мртвата самовила била откриена од човек што си го шетал кучето и автентичноста на трупот била потврдена со испитување. Подоцна истиот ден, Ден признал дека самовилата е лажна. Сепак, многумина веруваат дека самовилата е вистинска и Ден само се обидува да ја прикрие вистината.

3. Паметниот Ханс

10-те најголеми измами во историјата на човештвото

Паметниот Ханс бил коњ кој не само што можел да брои, туку можел да решава и комплицирани математички проблеми. Барем во тоа сакал да верувате неговиот сопственик Вилхелм вон Остен во раните 1900-ти. Остен бил наставник по математика кој патувал низ Германија и го покажувал неверојатниот талент на Ханс.

За да одговори на прашањата, Ханс тропал со неговите нозе. Се разбира, многумина се сомневале во талентот на коњот, па на него биле направени многу истражувања без присуство на сопственикот. Сепак Ханс продолжил да дава точни одговори. Измамата била откриена кога било поставено прашање чиј одговор Остен не го знаел. Станало очигледно дека Ханс не знае да решава задачи туку тропал со ногата додека личноста не изгледала опуштено кога ќе стигнел до точниот одговор. Ханс знаел дека стигнал до одговорот бидејќи добивал аплауз и награди од публиката.

4. Џинот од Кардиф

10-те најголеми измами во историјата на човештвото

На 16-ти октомври 1869-та година, Вилијам Њувел копал бунар во Кардиф, Њујорк и открил труп на маж со висина од 305 центиметри. Веднаш поверувал дека нашол џин, па го покрил местото со шатор. Почнал да заработува од откритието со тоа што ѝ наплаќал 25 центи на публиката за да го види огромниот маж. Како што се зголемувала заинтересираноста, Вилијам ја зголемил цената. Сепак археолозите почнале да тврдат дека трупот е лажен.

Џинот бил креација на Џорџ Хул кој најмил мажи и им рекол да направат статуа од 3 метра. Им кажал на мажите дека целта му е да направи споменик на Абрахам Линколн во Њујорк. Блокот камен бил однесен во Чикаго и статуата била направена од Едвард Бургхарт кој се заколнал на тајност. На статуата била додадена киселина за да изгледа истрошено. Потоа џинот бил преместен до фармата на Вилијам. Вилијам, кој му бил братучед на Хул, најмил двајца копачи да го најдат џинот.

5. Дрва со шпагети

10-те најголеми измами во историјата на човештвото

Навистина е тешко да се поверува дека една телевизија би испланирала да ја измами целата нација. Но, BBC им го направила токму тоа на гледачите од Велика Британија на Денот на шегата во 1957-ма година. Во етер пуштиле документарец наречен „Панорама“ (Panorama) кој постои и ден денес и ги информира луѓето за берењето шпагети.

Во тој период шпагетите не биле добро познати во Британија, па гледачите биле воодушевени од семејствата кои береле тестенини од дрвјата. Измамата била толку успешна што гледачите почнале да се јавуваат во телевизијата барајќи совети за одгледување дрвја со шпагети. Од телевизијата им препорачувале да стават сноп шпагети во конзерва со доматен сос и да се надеваат на најдоброто.

6. Нат Тејт

10-те најголеми измами во историјата на човештвото

Британскиот писател Вилијам Бојд е одговорен за најголемата измама од областа на уметноста и литературата. Во 1998-ма година тој објавил биографија со наслов „Нат Тејт: Американски артист 1928-1960“ (Nat Tate: An American Artist 1928-1960). Тој тврдел дека Нат е апстрактен експресионист кој живеел и работел во Њујорк во текот на 1950-тите. Но наводно Нат уништил 99% од неговите дела за само еден викенд и потоа се самоубил. Неговото тело никогаш не било пронајдено. Се разбира дека немало тело бидејќи Нат Тејт бил плод на фантазијата на Вилијам.

По издавањето на биографијата која била претставена како реална, лагата почнала да се одмотува. Животот на Нат Тејт не бил смислен само од Вилијам Бојл, туку книгата била напишана во соработка и со Националната галерија. Постојат теории кои го вклучуваат и Дејвид Боуви во измамата кој јавно ја читал книгата на Денот на шегата. Целта зад сето ова било разоткривањето на претенциозниот уметнички свет бидејќи многу професионалци тврделе дека се свесни за наследството на Нат. Уметничкиот свет сфатил дека е измамен откако еден читател му напишал писмо на The Independent со цел да ја разоткрие измамата.

7. Мери Тофт и зајаците

10-те најголеми измами во историјата на човештвото

Во 1726-та година започнале контракциите на 24-годишната Мери Тофт и таа ја повикала нејзината сосетка Мери Џил. Она што Џил не го очекувала е дека Мери ќе роди чудовиште, па веднаш истрчала кај сестрата на Мери. Таа ја информирала дека Мери родила нешто составено од животински делови. Наводно, семејството ги испратило деловите на Џон Хауард кој бил хирург со над 30 години искуство. По испитувањето, тој изјавил дека Мери родила 3 нозе од мачка и една нога од зајак. Скептичен од она што го видел, Хауард ја посетил Мери. Но бил изненаден кога таа родила зајак пред него. Мери станала славна личност, особено кога Хауард изјавил дека таа родила уште 8 зајаци во еден месец. Приказната била толку мистериозна што луѓето престанале да јадат зајачко месо.

Мери била однесена на испитувања против нејзината волја, а ја набљудувал дури и кралот Џорџ. Чудно, но тогаш Мери престанала да раѓа зајаци. На 4-ти декември бил фатен курир кој се обидувал да однесе зајак во собата на Мери, а се открило дека нејзиниот сопруг купувал многу зајаци од локалните продавачи. Конечно, таа признала дека целата приказна е лага и била затворена 5 месеци.

8. Момчето балон

10-те најголеми измами во историјата на човештвото

Надежните актери Ричард и Мајуми Хине се појавиле во реалното шоу „Менување сопруга“ (Wife Swap). Додека гостувале на шоуто, Ричард постојано кажувал за неговиот сон да лансира летачка чинија во бура. Но неговиот сон за поврзување со вонземјани станал најголемиот кошмар на неговото семејство. На 15-ти октомври 2009-та година тие се јавиле во полиција и изјавиле дека нивниот 6-годишен син, Фалкон, одлетал со балон полн со хелиум. Медиумите изјавиле дека Фалкон летал на височина од 2.100 метри, па си го заработил прекарот „Момчето балон“.

Но грижата била залудна бидејќи Фалкон се криел во таванот на нивниот дом, а Ричард изградил балон во форма на летачка чинија во дворот. Ричард заработил казна затвор од 90 дена и морал да плати 30.000 евра. Мајуми добила 20 дена задолжителна волонтерска работа. Семејството исто така добило забрана да заработува од измамата, како на пример, правејќи договор за книга.

9. Дневниците на Хитлер

10-те најголеми измами во историјата на човештвото

Германскиот весник Sten го издал првиот дел од невидените дневници на Адолф Хитлер во 1983-та година. Наводно тие платиле околу 4 милиони долари за сите 60 тома за кои верувале дека биле најдени во остатоци од срушен авион од 1945-та година. Знаејќи колку се важни овие документи, од весникот повикале експерти од Германија, САД и Франција со цел да се потврди автентичноста.

Но луѓето биле скептични, и тоа со добра причина. Се открило дека ракописот бил копиран со модерни пенкала. Биле направени дополнителни тестови за да се докаже дека документите навистина се лажни. Оваа измама присилила неколку уредници да ги напуштат работните места.

10. Хоророт Амитивил

10-те најголеми измами во историјата на човештвото

Во 1974-та година Роналд Дефео Џуниор ги застрелал и ги убил 6-те членови на неговото семејство во нивната огромна куќа во селото Амитивил. Во 1975-та година бил осуден за убиство од втор степен. Истата година, Џорџ и Кејти Луц, заедно со нивните 3 деца се преселиле во куќата. Семејството тврдело дека во куќата биле нападнати од демонски дух и ја напуштиле по 28-дневен хорор.

Истражувачите, се разбира, биле скептични за тврдењето на семејството. Лагата излегла на виделина дури години подоцна. Адвокатот на Дефео признал дека соработувал со семејството Луц и заработиле доста пари од измамата што ја смислиле. Исто така тој соработувал со Џеј Ансон кој е автор, а приказната била претворена и во хит филмот „Хоророт Амитивил“ (The Amityville Horror).

(0)

Тим ЗА -0%
 
 
Тим ПРОТИВ 0%
Гласањето е затворено
  
Ливадџија

ОСТАВИ КОМЕНТАР

This site uses Akismet to reduce spam. Learn how your comment data is processed.

  • Hема коментари
  • Hема коментари
  • HTML Snippets Powered By : XYZScripts.com
    Mени