| 16.03.2018. ПО ДОМА

Рибите се креативни и емотивни, а понекогаш не го кажуваат она што го мислат. Понекогаш живеат во нивните соништа, но поради тоа се разиграни како деца. Ако сакате да започнете врска со овој нежен хороскопски знак, ова се 10-те работи што треба да ги знаете…

1. Им треба многу љубов и внимание
Рибите никогаш нема да го кажат тоа гласно, но тие копнеат по многу љубов и нега. Тие обично даваат повеќе одошто треба, па затоа им треба големо внимание во љубовната врска. Освен тоа, тие се безнадежни романтичари и понекогаш ќе треба да ги надминете нивните очекувања за да ја одржите врската.

2. Многу се креативни
Рибите не ги сакаат секојдневните задачи, туку се големи љубители на активности како што се цртање, пишување или сликање. Честопати се определуваат за професија што ќе им овозможи да се изразуваат креативно. Ако сакате да ги освоите Рибите, ќе мора да ја прифатите и разберете нивната потреба за креативност и иновативност во животот.

 
 

3. Тие се верни партнери
Рибите нема да побегнат со првиот маж или жена кои ќе ги привлечат, бидејќи тие се многу лојални партнери. Тие уживаат во сериозните врски, па затоа, ако сте го освоиле нивното срце, не треба да се плашите дека ќе ве изневерат.

4. Сакаат романтика и страст во врските
Рибите нема да ви кажат дека им треба страст во врската, па затоа ќе мора да читате помеѓу редови. Меѓутоа, на Рибите им треба многу малку за да бидат среќни. Едноставна вечера под свеќи во домашна атмосфера, рози, па дури и обична масажа на грбот по напорен ден ќе ги направат Рибите среќни и задоволни. Само покажете им дека се грижите за нив и тие ќе ви возвратат на ист начин.

5. Сакаат да разговараат на длабоки теми
Рибите се големи сонувачи по природа и обожаваат да разговараат за вонземјани, за настанокот на светот, за смислата на човечкото постоење и на други слични теми. Секако дека не им пречи да разговараат и за едноставни работи, но ќе им го задржите вниманието само ако започнете вистински разговор.

  
 

10 работи што треба да ги знаете пред да се вљубите во припадник на знакот Риби

6. Многу се великодушни
Рибите ќе дадат сѐ од себе за да ја направат саканата личност среќна. Тие секогаш се подготвени да прават компромиси во врските за партнерот да биде задоволен.

7. Попрво би живееле во своите мисли отколку во реалниот свет
Рибите многу често фантазираат и не можат да си помогнат, бидејќи тоа е дел од нивната природа. Ако сте вљубени во припадник на знакот Риби, прифатете го фактот дека тие живеат во свет што самите си го создале, па затоа ќе мора малку да се потрудите за да го добиете нивното внимание кога ќе сакате да разговарате.

 
loading...
 

8. Претпочитаат мирни вечери наместо гласни вечерни излегувања
Рибите сакаат да поминуваат време во своите 4 ѕида. Тие попрво би направиле вкусна вечера дома и би се гушкале со партнерот на каучот отколку да се подготвуваат за долго вечерно излегување. Нема да погрешите доколку им предложите да поминете мирна вечер гледајќи документарци или интересни филмови.

9. Уживаат во самотијата
Иако Рибите сакаат внимание и грижа, ним им треба и време за себе. Потребна им е самотијата за да одржат рамнотежа и да се ослободат од негативната енергија што им ја пренеле другите луѓе. Дајте им простор, но не дозволувајте им да се изолираат премногу. Потсетете ги колку се грижите за нив и кажете им дека ќе ги чекате додека не бидат подготвени.

10. Имаат големо срце
Ако им се допаѓате, Рибите ќе ви го кажат тоа суптилно и срамежливо и ќе направат сѐ за да бидат со вас. Рибите треба да бидат сигурни дека нема да им го скршите срцето, па затоа откријте им ги вашите вистински намери и чувства.

(0)

Тим ЗА -0%
 
 
Тим ПРОТИВ 0%
Гласањето е затворено
  
Ливадџија

ОСТАВИ КОМЕНТАР

  • Hема коментари
  • Hема коментари
  • HTML Snippets Powered By : XYZScripts.com
    Mени