| 29.04.2018. ЗДРАВА ХРАНА

Можете ли да замислите какво неверојатно слатко задоволство би можело да се добие доколку се спојат состојки како карамела и чизкејк?

Ако и вие сте дел од луѓето за кои чизкејкот е еден од омилените десерти, тогаш ова е нешто кое навистина морате да го пробате.

Иако постапката изгледа малку сложена верувајте дека трудот целосно ќе ви се исплати…

 
 

Состојки

За подлогата:
– 200 g бисквити
– 5 лажици путер
– 2 лажици кафеав шеќер

За кремот:
– 250 g маскарпоне сирење
– 150 g шеќер
– 2 лажици путер
– 5 јајца
– 1 лажица екстракт од ванила

  
 

Прелив од карамел:
– 300 g шеќер
– 4 лажици вода
– 1 лажичка сок од лимон
– 1 чаша слатка павлака

Начин на подготовка:
Сомелете ги бисквитите и измешајте ги со стопениот путер и шеќерот. Добиената смеса ставете ја во калап за печење и печете 14 минути во претходно загреана рерна на 180 °C.

Маскарпоне сирењето измешајте со шеќерот за да добиете кремаста структура, а потоа додадете ги путерот и јајцата, но едно по едно. Потоа и ванилата.

 
loading...
 

Оваа смеса додајте ја врз веќе испечената подлога. Калапот во кој се наоѓа колачот ставете го во поголем сад за печење наполнет со вода. Вратете го во рерна и печете 1 час. Кога чизкејкот ќе биде готов ставете го во фрижидер, најдобро да отстои преку ноќ.

За преливот од карамела најнапред измешајте ги шеќерот, водата и сокот од лимон и ставете ги на умерен оган. Без да мешате, оставете шеќерот да се растопи, само нежно протресувајќи го тенџерето. Кога шеќерот ќе добие златна боја, намалете ја температурата и додајте ја слатката павлака.

Варете 8 минути или додека не добиете густа смеса. Тргнете ја од оган и оставете малку да се излади, но сепак карамелата да остане течна. Попрскајте ја тортата со карамел и оставете да се излади најмалку 2 часа. Потоа потоа послужете.

(0)

Тим ЗА -0%
 
 
Тим ПРОТИВ 0%
Гласањето е затворено
  
The Chef

ОСТАВИ КОМЕНТАР

  • Hема коментари
  • Hема коментари
  • HTML Snippets Powered By : XYZScripts.com
    Mени