8 застрашувачки смртни случаи што им биле припишани на духови

Постојат бројни серии и филмови кои прикажуваат застрашувачки приказни за опседнувања кои завршиле со смрт. Но за колку од нив можеме да кажеме дека се вистински? Додека натприродните појави не се евидентирана причина за ниту еден смртен случај, постојат докази коишто покажуваат дека можеби има некоја вистина во приказните од Холивуд. Па, погледнете ги приказните на 8 луѓе чија смрт можеби е поврзана со натприродното.

1. Духот од Хамерсмит

 
 

8 застрашувачки смртни случаи што им биле припишани на духови

На почетокот на 19-тиот век, Западен Хамерсмит во Лондон бил полн со гласини за ужасно привидение кое се наоѓало во дел од тамошните гробишта. Локалните жители изјавувале дека гледале фигура во бело со стаклено око и рогови. Откако една бремена жена тврдела дека била физички нападната, почнало да се шири мислењето дека духот е на маж кој неодамна извршил самоубиство.

  
 

Пријавите биле сфатени толку сериозно што вооружени полицајци биле пратени да го уапсат духот. Не поминало многу време пред еден полицаец по име Смит да го сретне во живо. Откако побарал од духот да се идентификува и не добил одговор, Смит го застрелал. За жал привидението не било дух, туку Томас Милвуд, скулптор кој бил извалкан од работата.

По некое време Смит бил осуден на смрт, но Томас не се смирил. Се верува дека неговиот дух и денес шета по земјата и можеби покрај сè, тој сепак е духот од Хамерсмит.

2. Клетвата на Тутанкамон

8 застрашувачки смртни случаи што им биле припишани на духови

Во долината на кралевите, во раните 1920-ти години, била откриена гробницата на фараонот Тутанкамон која датира од 16-тиот век п.н.е. Гробницата била откриена од британскиот археолог Хауард Картер. Ова неверојатно откритие станало вистинска сензација во медиумите, но истовремено почнале да се шират приказни за тоа дека секој што ќе ја вознемири гробницата на фараонот ќе биде проколнат. Кратко потоа умрел еден од членовите на тимот што учествувал во наоѓањето.

Иако со текот на времето замреле сите шпекулации, следните неколку години имало уште неколку смртни случаи во истражувачкиот тим. Помеѓу починатите се Артур Мејс кој бил убиен со арсен во 1928-ма година, Ричард Бетел, секретарот на Хауард, кој наводно се згушил во неговиот сон во 1929-та година и сер Арчибалд Даглас Ред, кој ја правел рендгенската снимка на мумијата. Дали навистина биле одговорни древните египетски духови?

3. Духот во Алкатраз

8 застрашувачки смртни случаи што им биле припишани на духови

Многумина веруваат дека Алкатраз е место каде што владее натприродното, а најзастрашувачка е приказната за духовите во ќелиите од блокот Д. Дел од овој блок е познат како „Дупката“. Дупката е најстуденото место од затворот и овие ќелии биле самици. Во нив имало лавабо, тоалет и светилка. Затворениците биле оставани сами со нивната здодевност.

Во текот на 1940-тите многумина изјавиле дека забележале дух на маж во Дупката со затворска униформа од 19-тиот век. Но, ова привидение може да се поврзе со мистериозната смрт на еден затвореник. Откако бил затворен во ќелија во Дупката, затвореникот почнал да вика дека со него има некој на којшто му светат очите. Чуварите го игнорирале, но следниот ден го пронашле задавен. На неговото грло имало свежи отпечатоци од дланки. Додека некои сметаат дека затвореникот бил убиен од некој од чуварите, не се појавиле никакви докази од истрагата.

4. Духот на тајландската вдовица

8 застрашувачки смртни случаи што им биле припишани на духови

Во 2013-та година, жителите на едно тајландско село биле тероризирани од духот на една вдовица за којашто се верувало дека убила десет мажи за само еден месец. Сите мажи умреле под сомнителни околности. Причината кај сите била проблем со респираторниот систем. Бидејќи ниту еден од мажите немал симптоми, селаните најмиле медиум кој го обвинил духот за смртта на мажите. Во 2018-та година истото се случило и во друго село. Дали станувало збор за истиот дух?

5. Проколнатиот гроб на Карл Пруит

8 застрашувачки смртни случаи што им биле припишани на духови

Приказната започнала во Кентаки во 1938-ма година кога еден човек по име Карл Пруит ја пронашол неговата сопруга со друг маж. Сопругата ја задавил, а потоа се самоубил. Другиот маж избегал. Откако бил закопан, луѓето забележале дека на неговата надгробна плоча се појавило нешто што наликувало на синџир.

За кратко се појавиле неколку несреќни случаи со давење кои биле поврзани со гробот на Карл. И покрај тоа што било тешко да се поверува дека станува збор за случајност, двајца полицајци се охрабриле и се фотографирале со гробот. Кога излегле од гробиштата забележале дека биле следени од силна светлина. Биле во автомобил и почнале да возат побрзо, и на крај удриле во ограда. Еден од полицајците умрел, а неговата глава била речиси откината од синџирот на оградата.

6. Стариот работник

8 застрашувачки смртни случаи што им биле припишани на духови

Во 19-тиот век во Англија, судиите се потпирале на доказите од очевидците со цел да ја одредат причината за смртта во случаи кога се верувало дека има нешто натприродно. Во Бристол во 1841-ва година, Патрик Хајес паднал по скали и умрел. Сопругата на сопственикот на крчмата во која загинал Патрик, Мери Крокер, изјавила дека го слушнала кога паднал. Таа извикала и прашала кој паднал и добила одговор: „Јас, и мртов сум“. Мери изјавила дека мажот сигурно го видел духот на куќата – жена со свилена ноќница која веќе убила тројца мажи.

7. Случајот со Џек Скокачот

8 застрашувачки смртни случаи што им биле припишани на духови

Друга трагична приказна од 19-тиот век е за смртта на 7-годишната Џејн Халсл од Англија која наводно загинала од рацете на суштеството познато како Џек Скокачот. Приказните за Џек се раскажувале со децении пред смртта на Џејн.

Кога Џејн им кажала на родителите дека нејзините пријатели ја предупредиле за доаѓањето на Џек Скокачот, нејзините родители се обиделе да ја убедат дека тоа е лага. Но, истата ноќ Џејн се разболела и изгубила свест додека да дојде докторот. Шест часа пред нејзината смрт таа рекла: „Духот доаѓа“. Судијата заклучил дека умрела од страв и вината му ја префрлил на Џек.

8. Семејството Џејмисон

8 застрашувачки смртни случаи што им биле припишани на духови

Во 2009-та година семејството Џејмисон како да исчезнало од лицето на Земјата. Нивните тела не биле најдени цели 4 години и биле откриени во шумата во близина на нивниот камион којшто бил пронајден во 2009-та. Пред нивното исчезнување семејството му кажувало на секој што слуша дека биле прогонувани од дух и дека Медисон, нивната 6-годишна ќерка, редовно разговара со дух на девојче кое умрело во куќата пред неколку децении.

На денот на исчезнувањето, безбедносната камера ги снимала како го паркираат автомобилот и се во состојба што наликува на транс. Не е одредена причина за смртта, а постојат шпекулации дека членовите биле опседнати од духовите од нивниот дом. Бидејќи кога биле пронајдени телата биле речиси целосно распаднати, нема како да се дознае што ги убило членовите на семејството Џејмисон.

(148)

loading...

Вашиот коментар