| 08.02.2018. ПО СВЕТОТ

Во последниве шест децении напуштените објекти на еден град ги прекриваат наноси од песокот на пустината Намиб, која во Африка зафаќа површина од 50.000 квадратни километри.

Имено, Колманскоп во Намибија е град на духови од 1954 година, кога го напуштиле и последните жители – рудари кои работеле во блискиот рудник за дијаманти. Своите најдобри времиња градот ги доживеал во 20-тите години на минатиот век, кога имал околу 1.200 жители, претежно локални работници, членови на племето Овамбо, но исто така и германски колонисти.

Многу жители го населиле овој град откако извесен Захарија Левал пронашол дијамант во оваа област, а потоа било откриено дека целото подрачје крие големи количества од овој скапоцен камен.

 
 

Благодарение на големото богатство кое брзо се акумулирало, бил изграден град во европски стил, кој имал сè: од електрична централа, болница и спортски сали, па до казина и кугларници. Преку железничка линија бил поврзан со пристанишниот град Лудерик. По Првата светска војна, залихите на дијаманти почнале да исчезнуваат, а населението во потрага по работа заминало на други места.

Колманскоп денес важи за најпопуларниот град на духови во Намибија и за одлична туристичка атракција. Бидејќи се наоѓа во заштитеното подрачје Шпергебит, посетителите мора да добијат посебна дозвола за влез во градот.

  
 

(0)

Тим ЗА -0%
 
 
Тим ПРОТИВ 0%
Гласањето е затворено
  
Ливадџија

ОСТАВИ КОМЕНТАР

  • Hема коментари
  • Hема коментари
  • HTML Snippets Powered By : XYZScripts.com
    Mени