Протеините се многу важни особено по 50. година

“По 50. година, нашето тело брзо почнува забрзано да губи мускулна маса. Затоа е важно да се компензира оваа загуба со вежбање, но и со поголем внес на протеини“, истакнува портпаролката на Американската академија за нутриционизам Изабел Мејплс.

„Протеините не се важни само за изградба, туку и за задржување на мускулната маса, а тоа е чест проблем кај постарите луѓе. Мускулите се важни бидејќи овозможуваат подобра рамнотежа и мобилност и штитат од паѓање“, објаснила нутриционистката.

 
 

Во последниве години, протеинските диети се вистински хит меѓу сите генерации, но експертите велат дека зголемениот внес на протеини кај младите и средовечни луѓе не е нужно, па дури може и да предизвика здравствени проблеми. Но кај постарите луѓе е токму спротивното – повеќето од популацијата, според американските научници, после 50. година, не внесуваат доволно протеини.

Добар извор на протеини во исхраната се месото (но не претерувајте со црвеното, порадо изберете риба и пилешко), како и јајца, млечни производи, мешунки и ореви. Добро е да го распоредите внесот на протеините во текот на целиот ден, од јајца за појадок, преку риба за ручек до ореви за ужинка.

  
 

Симптоми
Постојат повеќе симптоми кои укажуваат на тоа дека можеби ви недостасуваат протеини. За почеток, пад на имунитетот, почести настинки и воспаленија.

„Протеините ги одржуваат редовните телесни функции, ги регулираат хормоните и го одржуваат нивото на леукоцити, кои се борат против инфекциите“, вели Изабел Мејплс.

Обратете внимание доколку ви отекуваат зглобовите, ако сте уморни и летаргични, вашата кожа е сува и бледа, а ноктите испукани. Еден од посериозните симптоми е и ненадејната загуба на телесната маса, што може да биде опасно, бидејќи луѓето тогаш стануваат послаби и посклони кон паѓање.

Кои се добри извори на протеини?
– Пилешко и мисиркино месо;
– Риба;
– Нискомасни сирења како моцарела;
– Свинска кртина;
– Јунешко и телешко месо;
– Тофу;
– Грав;
– Јајца;
– Јогурт, млеко и млеко од соја;
– Јаткасти плодови, семки и цели житарки.

(28)

loading...

Вашиот коментар