Виена е најдобар град за живеење во светот

Австриската престолнина, Виена, го помина австралискиот град Мелбурн на листата на најдобри градови за живеење во светот за 2018 година. Ова е првпат некојa европска престолнина да се најде на врвот на листата на глобалното истражување на „Економист“. Истражувачите рангираат 140 града врз основа на низа фактори, меѓу кои политичката и социјалната стабилност, криминалот, образовниот систем и здравствената заштита.

На листата најмногу напредувал Манчестер во однос на кој било друг европски град. Сега е на 35. место што е подобрување за 16 места. Манчестер така се најде 13 места пред Лондон, што е најголем јаз меѓу овие два града откако почна истражувањето пред две децении.

 
 

View image on Twitter
Уредничката на истражувањето, Роксана Славчева, изјавила дека безбедноста е подобрена во неколку западноевропски градови, а тоа што Виена го зазела првото место е показател за релативното враќање на стабилноста во Европа.

Мелбурн, кој сега е на второ место, седум години по ред беше на врвот на листата.

  
 

Дамаск во Сирија, пак, се наоѓа на дното на листата како најмалку пожелен град за живеење во светот. По него следат Дака во Бангладеш и Лагос во Нигерија.

Десет најдобри градови за живеење во светот во 2018 година: Виена, Мелбурн, Осака, Калгари, Сиднеј, Ванкувер, Токио, Торонто, Копенхаген, Аделејд.

Десет најлоши градови за живеење во светот во 2018 година: Дамаск, Дака, Лагос, Карачи, Порт Мозби, Хараре, Триполи, Дуала, Алжир и Дакар.

(39)

loading...

Вашиот коментар