Платеник на Ескобар открива: Пабло сакаше да го убие сегашниот селектор на Перу

Во 80-тите и 90-тите години од минатиот век, познатиот нарко бос Пабло Ескобар беше господар на животот и смртта во Колумбија. На неговата црна листа се наоѓаа луѓе од противнички картели, судии, адвокати, фудбалери, а еден од оние кои биле блиску до смртта е и Рикардо Гарека, актуелниот селектор на Перу.

„Вистина е, Рикардо Гарека секогаш беше на мета на Ескобар. Но, никогаш не издаде налог за тој да биде убиен. Љубовта на Ескобар кон фудбалот го спаси Гарека од смрт. Него и сите играчи на America de Cali, тимот на противничкиот картел“, откри Хаиро Веласкез, познат како Попај.

 
 

Тој беше најпознатиот платеник на Ескобар и масовен убиец осуден на 23 години затвор. Пуштен е на слобода во 2014 година.

„Пабло сакаше да постави бомба под автобусот на фудбалскиот тим America de Cali, откако картелот Кали постави бомба под автомобилот на неговото семејство. Пабло ги имаше сите играчи на America de Cali на ум, бидејќи сепак бевме во војна. Киднапираше нивни играчи за да го натера картелот да соработува. Кога еднаш одбија да соработуваат, тој го уби семејството на Педро Сармиенто кој денеска е успешен тренер“, додава Попај.

  
 

Гарека е селектор на Перу од 2015 година, а со оваа селекција играше на Светското првенство во Русија годинава. Кон крајот на 80-тите години го носеше дресот на Кали.

(172)

loading...

Вашиот коментар