Вкусни топчиња од ориз

Покрај сè она што ви останато од храната за празниците, освежете ја трпезата со нешто ново и изненадете ги гостите.

Одлично мезе за дополнување на ордеверите или само за со пиво и бело вино. Може да ги комбинирате и со разни сосови кои дополнително ќе го збогатат нивниот вкус.

 
 

Состојки:
– 200 g ориз
– 1 главица кромид
– 50 g путер
– 200 g пармезан
– 200 g младо сирење
– 1 l супа од зеленчук
– 1 лажица сечкан магдонос
– 2 јајца
– 150 g брашно
– 200 g лебни трошки
– Малку мешан зачин
– Околу половина литар масло за пржење

Подготовка:
1. Кромидот исчистете го и исечкајте го ситно, а потоа пропржете го на стопениот путер, додека зарумени.

  
 

2. Додајте го оризот и пржете кратко со постојано мешање. Постепено долевајте ја супата од зеленчук со повремено мешање додека не набабри оризот и остатокот од течноста не зоврие. При крајот додајте го магдоносот и мешаниот зачин по вкус.

3. Во изладениот ориз додајте изронето младо сирење и пармезан, па промешајте го.

4. Од добиената смеса со дланките претходно намачкани со масло, обликувајте топчиња со големина на орев.

5. Топчињата извалкајте ги во брашно, па во изматените јајца и на крај во лебните трошки.

6. Пржете ги во повеќе масло, додека не заруменат.

Одлично викенд мезе за во комбинација со пиво или бело вино.

(13)

loading...

Вашиот коментар