Данска воведува дигитални возачки дозволи

 
 

Од 2020 година возачите во Данска место возачка дозвола ќе мора да носат мобилен телефон со себе.

Земјата која е лидер во дигиталната писменост, Данска, ќе стане прва во светот во која возачките дозволи ќе бидат дигитални, достапни преку апликација за мобилен телефон.

Идејата која треба да се спроведе во наредните две години е потврдена од страна на данското министерство за финансии, од каде велат возачката дозвола ќе биде прв официјален документ за идентификација што ќе се дигитализира, со цел администрацијата да стане поефикасна.

Сепак се додава дека дигиталните возачки дозволи нема да ги заменат сегашните, туку ќе ги надополнат. Во соопштението не се споменува до каде е развојот на апликацијата, но се кажува дека таа ќе биде заштитена од злоупотреби преку логирање на неа со технологијата за отпечатоци или со безбедносен сертификат.

Се додава и дека паралелно ќе биде воведен дигитален процес за аплицирање за возачка дозвола, со цел да се заштеди време и на апликантите и на властите.

(110)

Вашиот коментар