Најголемата причина за вишок килограми како што стареете нема никаква врска со вашиот метаболизам

 
 

Од трошење енергија, физички вежби и свесност за исхраната, како најдобро да го максимизирате режимот на губење на тежината…

Веројатно сте слушнале дека откако ќе достигнете 40, вашата телесна тежина се зголемува без разлика колку и да се трудите да не е така. Онаа необјаснива сила што ја нарекуваме наш метаболизам почнува да меле малку поспоро секоја година од 30-годишна возраст па натаму и тоа е факт!

Еве добра вест: стапката со која вашиот метаболизам успорува е всушност прилично минимална. Во реалноста, најголем дел од зголемувањето на телесната тежина што се случува во средината на животот не е резултат на побавен метаболизам.

Наместо тоа, се сè сведува на едноставна, но променлива вистина: Како што старееме, стануваме се помалку и помалку активни.

Иако ова може да звучи депресивно, тоа е всушност одлична вест. Има многу што можеме да сториме за да го спречиме бавниото, навидум неизбежно додавање на килограми. Но, прво, тука се и некои основи за тоа што е метаболизмот – и што не е.

Како вашето тело троши енергија
Нашата метаболна стапка во мирување е мерка за тоа колку енергија трошиме – или “гориме” – кога сме мирни, односно одмараме. Тоа е определено со комбинација на фактори, вклучувајќи ги и висината, полот и гените што ги добивате од вашите родители и тука нема многу простор за интервенции, без оглед на што и да правите.

Освен тоа, се чини дека нашите тела влегуваат во уште три различни фази на горење на калории, во зависност од тоа што правиме. Овие три се видови на метаболизам на кој повеќето луѓе се повикуваат кога велат дека прават одредени работи, како што се на пример, јадење зачинета храна или пиење кафе, може да го “реактивираат” вашиот метаболизам.

Повеќето од работите што ви ги велат луѓето дека ќе го зајакнат вашиот метаболизам, а всушност нема

Кога јадеме, согоруваме мал број калории (околу 10% од нашите калории вкупно потрошени за тој ден). Ова се нарекува термички ефект на храната и тоа е прва од овие три фази што ги споменавме претходно. Ние можеме да го зголемиме ефектот на овој процес за мал дел (но не многу), ако правите работи како на пример да пиете стимулативни пијалоци како кафе или да јадете големи количества протеини.

Наместо тоа, бидете активни
Не е изненадувачки, но најважната активност на горење калории е токму тоа – активноста.

Без разлика дали ќе почнеме да ги преферираме скалите наместо лифтот, почесто ќе се одлепуваме од работните бироа и ќе правиме паузи за кафе, или ќе се испотиме квалитетно на некоја фитнес сеанса, ние трошиме енергија. Истражувачите ја нарекуваат оваа втора фаза – согорување преку физичка активност.

По напорен тренинг, ние продолжуваме да согоруваме повеќе калории отколку што би согорувале доколку би останале во мирување – и тоа е таа трета фаза или, како што се нарекува, прекумерна потрошувачка на кислород по вежбање.

Кога станува збор за одржувањето на телесната тежина, овие две фази, оние што се поврзани со физичката активност – се најважни! Ваш најдобар избор за согорување на повеќе калории во текот на денот е да ги зголемите нивоата на било каква активност, без разлика дали тоа е трчање или пешачење.

Многу луѓе сметаат дека тренирањето за зголемување на силата или кревањето на тегови се вклопуваат во оваа категорија, но доказите сугерираат поинаку.
Кревањето на тегови не може многу да ви помогне за вашиот метаболизам. Зошто? Бидејќи мускулите не согоруваат многу калории. Што се однесува до органите кои што топат калории, вашиот мозок е всушност многу поефикасен од вашиот бицепс.

“Функцијата на мозокот зазема близу 20% од “метаболичката стапка кога сме во одмор”, вели д-р Клод Бушард, професор по генетика и исхрана во Центарот за биомедицински истражувања на Пенингтон на Државниот универзитет во Луизијана.

“Следното е срцето, кое постојано чука и учествува со уште 15-20%. Црниот дроб, кој исто така функционира при мирување, придонесува за уште 15-20%. Потоа имате бубрези, бели дробови и други ткива, за на крај да останува само мускулот, што придонесува само со 20-25% од вкупниот метаболизам во мирување “, вели Бушард.

Значи, додека тренингот за поголема сила е здрава навика која сигурно ќе има корисен ефект врз нешта како што се агилноста и рамнотежата, нема да го промени вашиот метаболизам многу.

“Оваа идеја дека еден килограм од мускулите можат да согоруваат стотици екстра калории дневно е мит”, вели Гери Фостер, главен научник и професор по психологија на Медицинскиот факултет на Универзитетот во Пенсилванија.

И бидете свесни за количеството на храна
Покрај тоа што стануваме се помалку активни додека старееме, исто така се чини дека стануваме помалку перцептивни за хранливите потреби на нашето тело со текот на времето.

Нашиот природен механизам за контрола на апетитот станува се понефункционален. Добар начин да се биде свесен за тоа колку сте најадени е да јадете помали оброци и да додавате повеќе само кога сте гладни, наместо да седнете со голема чинија храна пред вас, што сигурно ќе ве охрабри да прејадете.

Затоа потрудете се да останете активни и да се храните со помали количини од здрава храна, само така можете да се ослободите од телесната тежина како што возраста напредува.

(117)

Вашиот коментар