Секогаш популарното јадење има десетици варијанти и начини на подготовка. Денес ви предложуваме да го припремите на следниов начин и со овие состојки.

Состојки:

– 1/2 кг мелено месо

– 1 јајце

– 1 главица кромид

– 2 лажици презла

– 1 кг свинска кртина

– 2 главици кромид

– 2 моркови

– 2 суви црвени пиперки

– 300 гр маринирани печурки

– 1 кесичка крем супа од печурки

– 1 коцка говедска супа, мелен црн бибер, црвен пипер

– 1 лажица сенф

Подготовка:

Прво од меленото месо (посолено и зачинето според вкусот), кромидот, презлата и јајцето формираме мали ќофтенца, од прилика колку орев.

Свинската кртина ја сечеме на коцки. На плотна ги печеме ќофтињата и свинската кртина.

Кромидот го сецкаме на ситно и го пржиме додека омекне, ги додаваме сецканите моркови и кога се е убаво омекнато ги додаваме маринираните печурки и сецканите суви пиперки.

Зачинуваме по вкус и додаваме ловоров лист и една лажица сенф.

Го додаваме месото и ќофтињата и убаво мешаме. Крем супата од печурки ја раствораме во 700 мл вода и ја додаваме кај месото заедно со една коцка говедска супа и едно лажиче црвен пипер.

Оставаме се заедно да динста околу 15 минути па се ставаме во земјена тава.

Печеме во загреана рерна на 200 степени околу два часа. Сервираме…

(660)